Almatyda alaıaqtyq ispen aınalysyp kelgen 1-shi toptaǵy múgedek quryqtaldy
ALMATY. Shildeniń 22-si. QazAqparat /Ádilet Musahaev/ - Almaly aýdanynyń 43 jasar turǵyny tanysyna arzan baǵaly noýtbýk ornatyp beremin dep alaıaqtyq jolmen kóp mólsherde aqsha alyp ketken.
Qazirgi ýaqytta M. esimdi azamat osyndaı 10 qylmystyq iske bardy degen aıyp tagylyp otyr.
«Bir qyzyǵy, ol bizdiń aýdanda ǵana óz aılasyn iske asyryp otyrǵan. Tergeý jumystary kórsetkendeı, adamdar onyń ár sózine senip, densaýlyǵy nashar adam alaıaqtyq iske barady dep te oılamaǵan. Bul azamat osy áreketti paıdalanyp jarty jyldaı merzimde jurtshylyqty aldaýmen kelgen. Búgingi kúni onyń isteriniń bári dáleldendi. Sonymen qatar ol tek toǵyz qylmystyq isti moıyndap otyr», deıdi Almaly aýdandyq ІІB bastyǵynyń orynbasary, podpolkovnık Bolat Muhanbetov.
Óziniń jazalanbaıtyndyǵyna sengen múgedek sot aldyna barýǵa qarsylyq kórsetpegen. Sondaı-aq tergeý barysynda alaıaqtyq jolmen alǵan qarajattardyń barlyǵyn esirtkige jumsaǵanyn jasyrmaǵan.
«Múgedek urlyq pen esirtki zatyn saqtaǵany úshin buryn da isti bolǵan. Bostandyqqa shyqqanymen de óz ómirin qalypqa keltire almaǵan. Bizdiń paıymdaýymyzsha, zardap shegýshilerdiń sany kóp bolýy múmkin», deıdi B. Muhanbetov.
