Almatyda alaıaq páter men jer telimin alyp berýge ýáde etip, 200 myńǵa jýyq dollardy qaltaǵa basqan
ALMATY. QazAqparat- Almatyda azamattarǵa arzan páter jáne arzan jer telimderin satyp alyp berýge ýáde berip, aqshalaryn jymqyrǵan alaıaq ustaldy. Bul týraly búgin Almaty q. ІІD baspasóz qyzmeti habarlady.
2016 jyldyń 5 qańtarynda polıtsııa bólimine 1959 jyly týǵan Abaı Ázbergenovtiń ústinen aryz kelip tústi. Onda jábirlenýshi ótken jyldyń tamyz aıynda kúdiktige 85 myń dollar bergenin jazǵan. Ol sonyń kómegimen 4 bólmeli arzan páter alýǵa úmittengen eken.
«Belgili bolǵanyndaı, Ázbergenov jábirlenýshilerdi «quny naryq baǵasynan arzan páterler alýǵa kómektesemin», - dep sendirgen.
Basqa bir jaǵdaıda alaıaqtyń qolynan 28 jastaǵy azamat zardap shekti. Ol da osyndaı nıetpen, ótken jyly kóktemde kúdiktige 79 800 dollar bergen. Kúdikti bul aqshaǵa eki páter alyp berýge ýáde beripti. Úshinshi bir jaǵdaıda jábirlenýshi Ázbergenovtiń kómegimen qala ortalyǵynan jer telimin alýǵa árekettengen. Bul úshin kúdiktiniń qolyna 29 myń dollardy ustatqan. Barlyq jaǵdaıda kúdikti ýádesin oryndamaǵan. Aqshany ala salysymen telefon nómirin ózgertip, «klıentterinen» boı tasalap júrgen», - dedi Almaly aýdandyq ІІB bastyǵy, polıtsııa polkovnıgi Asqar Bolatov.
Aýdandyq ІІB habarlaýynsha, qazir Abaı Ázbergenov ustalyp, Almaty q. ІІD abaqtysyna qamaldy. Onyń qylmystyq áreketteri QR Qylmystyq Kodeksiniń 190-shy babynyń 2-shi jáne 4-shi tarmaǵy boıynsha qaralady.
«Tergeý barysynda kúdikti jábirlenýshilerdiń sózin rastap, óziniń kinásin tolyǵymen moıyndady. Ol alǵan aqshalardy óz qajetine jumsaǵan. Al páter jáne jer telimderin alyp berýge múmkindigi bolmaǵan. Eger odan zardap shekken adamdar bolsa, myna telefon nómirlerine habarlasýlaryn suraımyz: 254-46-01 jáne 254-46-03», - dedi polkovnık Bolatov.
