Almatyda alaıaq banktiń qyzmetkerimin dep 20 turǵyndy aldaǵan
ALMATY. QazAqparat - Almaty polıtsııasy birneshe ret alaıaqtyqpen aınalysqan er adamdy áshkereledi.
Qalalyq ІІD baspasóz qyzmetinen habarlaǵandaı, kúdikti E. Pýchkov ınternet arqyly nesıe resimdemek bolǵan adamdardy taýyp, olarǵa ózin ekinshi deńgeıli bankterdiń biriniń qyzmetkeri retinde tanystyrǵan, dep habarlady qalalyq ІІD. Ol azamattarǵa nesıeni maquldaýǵa jáne keıin ony tezirek resimdeýge kómektesetinin aıtyp ýáde bergen.
«Ol azamattarmen HQKO biriniń mańynda kezdesip, aldyn-ala tólemdi alyp, HQKO ǵımaratyna kirip, basqa esik arqyly ol jerden izin sýytyp otyrǵan. Osyndaı josparmen Pýchkov, aldyn ala boljam boıynsha, 20 adamdy aldaǵan», - dep habarlady Almaly aýdandyq ІІB krımınaldyq polıtsııa bóliminiń basshysy polıtsııa podpolkovnıgi Abzal Turǵanaly.
Qazir ol ustaldy jáne jasaǵan qylmysyn moıyndady. Polıtsııa atalǵan azamattyń arbaýyna túsken ózge azamattardan Almaly aýdandyq ІІB-ge barýdy nemese 254-46-12; 254-46-66; 8-702-695-12-94; 8-778-333-53-27 nemese 102 telefon nómirlerine habarlasýyn surady.
