Almatyda alaıaq aıaǵy aýyr áıelderdi taqyrǵa otyrǵyzyp ketken (FOTO)
ALMATY. QazAqparat - Almaty qalasy Áýezov aýdandyq ІІB polıtsııa qyzmetkerleri birneshe ret alaıaqtyq áreketter jasaǵan degen kúdikpen 36 jastaǵy áıel azamatshany ustady.
Bul týraly búgin Almaty qalasy ІІD baspasóz qyzmetinen habarlady.
36 jastaǵy Álııa Sadyqova tanysqan adamdaryna ózin qaladaǵy perzenthanalardyń birinde akýsher-gınekolog bolyp isteıtindigin jáne jumysqa ornalastyrýda kóp múmkindikteri bar ekendigin aıtqan.
«Jábirlenýshilerdiń birine kúdikti áıel onyń kúıeýin medıtsınalyq mekemelerdiń birine jumysqa ornalastyrýǵa ýáde berip, bul úshin odan 200 myń teńge suraǵan. Basqa bir jaǵdaıda Sadyqova «bosanar kezde kómektesemin», - dep, júkti áıelderdi aldaǵan. Qazirgi tańda bizdiń tergeý bóliminiń óndirisinde kúdiktige qatysty úsh qylmystyq is tergelip jatyr. Jedel shara qoldaný barysynda Álııa Sadyqovanyń qylmystyq áreketterinen zardap shekken taǵy eki adamnyń aty-jóni anyqtaldy. Bir qyzyǵy, ol foto jáne beıne kameraǵa túsýden qashady. Tipti túskisi kelmeıdi. Múmkin basqa da jábirlengen azamattar tanyp qalmasyn dep oılaıtyn shyǵar», - dedi osyǵan oraı Almaty qalasy Áýezov aýdandyq ІІB janyndaǵy polıtsııa bóliminiń bastyǵy, polıtsııa polkovnıgi Murat Qaspaqbaev.
Sonymen qatar Áýezov aýdandyq ІІB Álııa Sadyqovadan zardap shekken jáne ony tanyǵan azamattar bolsa, myna telefon nómirlerine habarlasýlaryn suraıdy: 298-53-70; 298-53-72 jáne 298-53-75.
