Almatyda Alaý estafetasyna baılanysty kóshedegi qozǵalystarǵa shekteý qoıyldy
ALMATY. QazAqparat - Qazirgi ýaqytta Almaty qalasynda Ýnıversıadanyń Alaý estafetasyn elimizge tanymal tulǵalar qala kóshelerimen alyp júr. Osyǵan baılanysty birqatar kóshelerde jol qozǵalysyna shekteý qoıyldy, dep habarlaıdy AqazAqparat tilshisi.
Aıta keteıik, Alaý estafetasy myna baǵdar boıynsha júredi:
Ál-Farabı atyndaǵy QazUMÝ - Tımırıazev kóshesi - Manas kóshesi - Abaı dańǵyly - Seıfýllın dańǵyly - Gogol kóshesi - Seıfýllın dańǵyly - Tóle bı kóshesi - Dostyq dańǵyly - Abaı dańǵyly - Baıtursynov kóshesi - Sátpaev kóshesi - Dostyq dańǵyly - Respýblıka alańy.
Bul baǵyttar boıynsha kólik qozǵalysy saǵat 10.00 den 14.00-ge deıin shekteletin bolady.
«Alaý estafetasy kóshelerdiń basym bóligimen ótetindikten avtobýs baǵyttary ózgermeıdi. Avtobýstar Alaý estafetasy ótetin birqatar jerlerde toqtatylady. Osylaısha, joǵaryda atalǵan ýchaskelerde ár baǵyt boıynsha kólikter ortasha 5-10 mınýt qana kidiredi», dep habarlady qala ákimdigi.
