Almatyda Alataý aýdanynyń burynǵy ákimi men orynbasary sottaldy
«Ryspaev Shahmerden Syrtbaıuly QR QK 189-babynyń 3-bóliminiń 1,2 tarmaǵymen aıypty dep tanylyp, tonaǵan qarajatty 10 eselengen túrde qaıtarýǵa mindetteldi (4 162 857*10 = 41 628 570 teńge) . Túpkilikti jaza retinde oǵan 40 406 250 teńge kóleminde aıyppul salyndy», - dedi qalalyq sottyń baspasóz qyzmetinen.
Sonymen qatar oǵan memlekettik qyzmet atqarýǵa tyıym salyndy.
Sýdıa Shahmerden Ryspaevqa taǵaıyndalǵan jazany ózgertip, qamaýdan qolhatpen bosatý týraly sheshim qabyldady.
Mádenıet jáne tilderdi damytý basqarmasynyń burynǵy basshysy Ómiralıev Erkebulan QR QK 189-babynyń 3-bólimi, 1-tarmaǵymen aıypty dep tanylyp, 3 jyl, 6 aıǵa bas bostandyǵy shekteldi.
Aǵybaev Saıat QR QK 366-babynyń 1-bólimimen, QR QK 369-babynyń 1-bólimimen, 189-babynyń 3-bóliminiń 1-tarmaǵymen aıypty dep tanylyp, 2 jylǵa bas bostandyǵynan aıryldy.
Úsheýiniń árqaısysynan jábirlenýshiler qoryna 50500 teńgeden tárkilendi.
Aıta keteıik, Alataý aýdanynyń burynǵy ákimi men onyń orynbasary, aýdan ákimi apparatynyń mádenıet jáne tilderdi damytý basqarmasynyń basshysy sybaılas jemqorlyqpen aınalysty degen kúdikpen qolǵa túsken bolatyn.
Olarǵa 2019 jyly «Óńirlerdi damytý – 2020» baǵdarlamasy boıynsha bólingen qarajatty asa iri kólemde jymqyrdy degen aıyp taǵyldy.