Almatyda «Alash eli: keshe, búgin jáne erteń» atty ǵylymı-qoǵamdyq konferentsııa bolady

Bul shara  QR Mádenıet jáne aqparat mınıstrliginiń qoldaýymen, «Jastar úni» qoǵamdyq birlestiginiń bastamasymen uıymdastyrylyp otyr.  Oǵan qoǵamdyq jáne úkimettik emes uıymdardyń ókilderi, joǵary oqý oryndarynyń  stýdentteri men oqytýshylary, otandyq ǵalymdar, buqaralyq aqparat quraldary ókilderi qatysady.

"Konferentsııanyń basty maqsaty - qoǵamdyq zaıyrly áleýetti qalyptastyrýdaǵy tarıhı damýdyń mańyzdylyǵyn anyqtaý jáne onyń basymdyqtaryn kórsetý bolyp tabylady. Onda elimizdiń ótkeni, búgini jáne keleshegi  taldanyp, Uly táýelsizdik qundylyǵyna tushymdy dálel-dáıek pen syndarly kózqarastar aıtylmaq", - deıdi "Jastar úni" qoǵamdyq birlestiginiń atqarýshydırektory   Maqsat Jaqaý.