Almatyda «Alash Aıbary» atty Halyqaralyq týrnır ótedi
ASTANA. QazAqparat - Almaty qalasynda 1 sáýir kúni «Alash Ordanyń» 100 jyldyǵyna oraılastyrylǵan aralas jekpe-jekten «Alash Aıbary» atty Halyqaralyq týrnıri ótedi, dep habarlaıdy QazAqparat.
Balýan Sholaq atyndaǵy sport saraıynda ótetin jekpe-jek keshin Orta Azııadaǵy eń úzdik promoýshenderdiń biri «Alash Pride FC» uıymdastyryp otyr.
Atalmysh dodaǵa Qazaqstan, Brazılııa, Grekııa, Reseı, Belarýs, Ýkraına, Ázerbaıjan, Ózbekstan jáne Qyrǵyzstan elderiniń segizburyshta suryptalǵan eń myqty jekpe-jek sheberleri qatysady.
Sondaı-aq, týra osy kúni Astana qalasynyń «Saryarqa» velotreginde aralas jekpe-jek túrlerinen WFCA 35 týrnıri ótedi. Bul týraly osyǵan deıin habarlaǵan bolatynbyz. Elorda tórinde ótetin jekpe-jek keshi aıasynda jıyrma jup ózara kúsh synasady. Týrnırdiń basty aıqasy jeńil salmaqtaǵy Hýseın Halıev (Groznyı, «Ahmat» klýby) pen brazılııalyq Valmır Lazaro arasynda ótpek.
