Almatyda alapat zilzala bolsa, halyq qaıda panalaı alady
Almaty qalalyq tótenshe jaǵdaılar departamenti habarlaǵandaı, seısmıkalyq oqý-jattyǵýdyń negizgi maqsaty – qala turǵyndarynyń tótenshe jaǵdaı kezindegi is-qımylǵa daıyndyǵyn arttyrý, turǵyndardy evakýatsııalaý joldaryn, qaýipsiz jerlerdi aldyn ala anyqtap, apattyq chemodan daıyndaý boldy.
Bul rette halyqty qulaqtandyrý maqsatynda jalpyqalalyq seısmıkalyq jattyǵýǵa aldyn ala daıyndyq júrgizildi.
Máselen, eki kún buryn telearnalar men radıoarnalarda habarlandyrý aıtylyp, almatylyqtar evakýatsııalaý týraly aqparattandyrylyp, aqyl-keńes berildi.
Seısmıkalyq oqý-jattyǵý kúni tele jáne radıoarnalar sırenalyq qondyrǵylar arqyly qalalyq eskertý júıesi iske qosylyp, «DÁRMEN» mobıldi qosymshasy arqyly push-habarlama jiberildi.
Vedomstvonyń málimetinshe, qalada úlken zilzala bolǵan jaǵdaıda shartty túrde baspanasyz qalǵan adamdarǵa 384 qabyldaý pýnkti ashylady.
Ol jaıynda osy siltemede tolyq málimet berilgen.
«Atalǵan pýnkter halyqty jınaýǵa, tirkeýge, ýaqytsha ornalastyrýǵa, zardap shekken halyqty qajetti zattarmen (sý, tamaq, azyq-túlik) qamtamasyz etýge, kólikke otyrǵyzyp, qaýipsiz aýdandarǵa evakýatsııalaýǵa arnalǵan. Baspanasyz qalǵan, zardap shekken halyqty qabyldaýdyń 384 pýnkti týraly tolyq aqparat 2GIS kartasynda bar, ony kórý úshin 2GIS-ke «zardap shekken halyqty qabyldaý pýnktileri» sózin jazyp, izdeý kerek. Aqparatty sondaı-aq Almaty qalalyq TJD men qalalyq ákimdiktiń resmı saıtynan oqýǵa bolady», - dep habarlady Almaty qalalyq TJD baspasóz qyzmeti.
Bıylǵy 8 aıda qala mektepterinde 230 myńnan astam oqýshy qamtylǵan 114 ınteraktıvti sabaq ótkizildi.
Qala uıymdarynda 7,2 myńnan astam oqý-jattyǵý ótti, olar toqsan saıyn uıymdastyrylady.
