Almatyda ál-Farabı muralaryn zertteýge baıqaý jarııalandy

ALMATY. QazAqparat – Almatyda belgili fılosof, ǵulama Ábý Nasyr ál-Farabıdiń ǵylymı eńbekterin zertteýge arnaıy baıqaý jarııalandy, dep habarlaıdy QazAqparat tilshisi.

«Ǵulama babamyz ál-Farabıdiń adamdy ıntellektýaldyq qalyptasýy týraly eńbekterin zertteý qoǵamdy adamgershilikke baýlýǵa septigin tıgizedi. Osyǵan oraı stýdentter arasynda ál-Farabı eńbekterin zertteýge ákim atyndaǵy shákirtaqy taǵaıyndalady. Bul shákirtaqyǵa ashyq baıqaý jarııalandy», - dedi ákim Baqytjan Saǵyntaev.

Onyń aıtýynsha, qala jastaryn qoldaý - qalany damytýdyń basym baǵyttarynyń biri.

«Kezinde ǵulamanyń ózi aıtqan, qaı eldiń bolmasyn bolashaǵyna baǵa berý úshin aldymen jastaryn kórset degen eken», - dedi ákim.

Odan bólek halyqaralyq deńgeıdegi ál-Farabı Olımpıadasyn ótkizý josparlandy.

Sonymen qatar ǵalymnyń «Baqytqa aparar jol» eńbegi boıynsha kásipkerler arasynda trenıng ótkizý, ınteraktıvti karta ashý josparda bar.

Aıta ketý kerek, keshe Qazaqstan ál-Farabıdiń 1150 jyldyǵyn merekeleýdi resmı túrde bastaǵan bolatyn.