Almatyda ál-Farabı men Abaıdyń mereıtoıyna arnalǵan dóńgelek ústel ótti

ALMATY. QazAqparat – Almatyda «Ál-Farabı – Abaı: rýhanı sabaqtastyq máselesi» atty respýblıkalyq ǵylymı – tájirbıelik dóńgelek ústel ótti, dep habarlaıdy QazAqparat tilshisi.

Sharany ál-Farabı ortalyǵy men ál-Farabı atyndaǵy QazUÝ-dyń fılosofııa jáne saıasattaný fakýlteti uıymdastyrdy.

Dóńgelek ústel barysynda Uly tulǵalardyń ómiri men mádenı shyǵarmashylyǵyna qatysty ǵylym men bilim berýdiń ádisnamalyq jáne praktıkalyq máseleleri talqylandy.

Ál–Farabı ortalyǵynyń ǵylymı keńesshisi Jaqypbek Altaevtyń aıtýynsha, ál–Farabı de, Abaı da – eń aldymen ustaz, aǵartýshylar. Olardyń búkil izdenisteri men paıymdaýlary adamdy barynsha kemeldendirý, damytý maqsatyna arnalǵan. Ál–Farabı adamdardy shynaıy baqytqa jetkizý joldaryn murat tutsa, Abaı tolyq, kemel adam tárbıelep shyǵarýdy maqsat etken.

«Ál-Farabı men Abaı ıntellektýal. Aralarynda myń jyldyq aıyrmashylyq bolsa da, olardyń oılarynda, pikirlerinde, kózqarastarynda kóp uqsastyq bar. Sebebi, ekeýi de uly adamdar. Árıne, bul jerde Farabı Abaıdy oqytty dep aıtýǵa bolmaıdy, bizde dálel joq. Biraq, ondaı oı nege keldi. Abaı Sokratty, Platondy, Arıstoteldi oqydy. Al, ál–Farabı antıkalyq fılosoftardyń eńbekterine túsinikteme jazǵan adam. Olardyń etnıkalyq kózqarastary da óte uqsas. Mysaly baqyt pen din jaǵynan oılary bir jerden shyqqan», – deıdi Jaqypbek Altaev.

Dóńgelek ústel jumysyna farabıtanýshy, abaıtanýshy ǵalymdar men qoǵam qaıratkerleri, ǵylymı qyzmetkerler, doktoranttar, magıstranttar qatysty.