Almatyda ál-Farabı men Abaı dańǵylynda kólik qozǵalysy shekteledi
«Asfaltbeton jabynyn tóseýge baılanysty 1-3 shilde aralyǵynda keshki saǵat 22:00-den tańǵy 06:00-ge deıin túngi ýaqytta Abaı kóshesiniń Dostyq dańǵylynan Nazarbaev dańǵylyna deıingi bóliginde soltústik baǵytta kólik qozǵalysy shekteledi», - dep habarlady basqarmadan.
Batys baǵytta jol qozǵalysy Abaı dańǵylynyń ońtústik bóligi boıynsha júzege asyrylady. Sonymen qatar Qonaev kóshesiniń Qurmanǵazy kóshesinen Abaı dańǵylyna deıingi bóligi jabylady.
«Budan bólek, asfalt jabynyn tóseý jumystaryna baılanysty ál-Farabı dańǵylynyń Rozybakıev kóshesimen qıylysyndaǵy jolaıyryqtyń tonnel bóliginde 28-30 maýsym aralyǵynda keshki saǵat 22:00-den tańǵy 06:00-ge deıin túngi ýaqytta kólik qozǵalysy shekteledi», - dep atap ótti vedomstvodan.
Avtokólik qozǵalysy soltústik jáne shyǵys baǵytta Qojabekov, Naýaı jáne Gagarın kóshelerimen uıymdastyrylady.
Mańaıdaǵy kóshelerde kólik qozǵalysy ózgerissiz qalady.
«Keltirilgen qolaısyzdyq úshin keshirim suraımyz jáne marshrýtyńyzdy aldyn ala baǵdarlaý qajettigin eskertemiz», - delingen habarlamada.
