Almatyda Ál-Farabı dańǵylynyń boıynda jol apaty azaıdy
ALMATY. QazAqparat - Ál-Farabı dańǵylynda saǵatyna 80 shaqyrym jyldamdyq rejimi engizilgen soń jol apatynyń sany azaıdy. Bul týraly búgin brıfıng barysynda qalalyq Polıtsııa departamentiniń ákimshilik polıtsııa basqarmasynyń basshysy Jandos Muratalıev aıtty.
«Bizde Ál-Farabı jáne shyǵys aınalma jolynda jol apatynyń sany azaıdy. Al Saın kóshesinde jol apatynyń sany azdap artqan. Qazir júrgizýshiler azdy-kópti jol erejesin saqtaı bastady. Oǵan jol boıyndaǵy kameralar yqpal etip jatyr», - dedi J.Muratalıev.
Munyń aldynda Almatyda Ál-farabı dańǵylynda saǵatyna 80 shaqyrym jyldamdyq qaıta engizilgenin habarlaǵan bolatynbyz.
