Almatyda ál-Farabı dańǵylynda birneshe kúnge kólik qozǵalysy shekteledi
ALMATY. QazAqparat - Almatyda ál-Farabı dańǵyly men Rozybakıev kóshesiniń qıylysynda birneshe kúnge kólik qozǵalysy shekteledi, dep habarlaıdy QazAqparat tilshisi.
Almaty qalalyq mobıldilik basqarmasy habarlaǵandaı, ortasha jóndeý jumystarynyń júrgizilýine baılanysty ál-Farabı dańǵylynyń Rozybakıev kóshesimen qıylysynda 25-27 maýsym kúnderi saǵat 08:00 men 24:00 aralyǵynda, sondaı-aq, 28 maýsym saǵat 22:00-den 29 maýsym 06:00-ge deıin, 29 maýsym saǵat 22:00-den 30 maýsym 06:00-ge deıin túngi ýaqytta kólik qozǵalysy ýaqytsha ishinara shekteledi.
«Jóndeý jumystary 2023 jylǵa arnalǵan jospar aıasynda júzege asyrylyp jatyr, keltirilgen qolaısyzdyqtar úshin keshirim ótinemiz jáne jol júrý baǵyttaryńyzdy aldyn ala josparlap alýyńyzdy suraımyz», - dep eskertti qalalyq mobıldilik basqarmasy.
