Almatyda ál-Farabı dańǵyly 10 kúnge jabylady
ALMATY. QazAqparat – Almatyda ál-Farabı dańǵylynda kólik qozǵalysy ýaqytsha shekteledi, dep habarlaıdy QazAqparat tilshisi.
«Ál-Farabı dańǵylynyń Dostyq dańǵylynan Jarbulaq ózenine deıingi kólik júretin bóligindegi jol jabyndysyn tolyq aýystyra otyryp, jol jóndeý jumystarynyń júrgizilýine baılanysty 1-10 maýsym aralyǵynda ál-Farabı dańǵylynda kólik qozǵalysy ýaqytsha ishinara shekteletin bolady»,-dep habarlady Almaty qalalyq mobıldilik basqarmasy.
Basqarma keltirilgen qolaısyzdyq úshin almatylyqtardan keshirim suraıdy.
Sonymen qatar, júrgizýshilerge jol júrý baǵytyn aldyn ala josparlaýǵa keńes berdi.
