Almatyda «Ál-Farabı atyndaǵy QazUÝ túlekteriniń kúni» ótedi
ALMATY. 20 mamyr. QazAqparat /Ádilet Musahaev/ - QazUÝ tarıhynda tuńǵysh ret jalpyýnıversıtettik deńgeıde Túlekter kúni atalyp ótedi.
Bıyldan bastan jyl saıyn «QazUÝ túlekteriniń kúni» mamyr aıynyń sońǵy senbisinde toılanady. Bul kún QazUÝ Túlekteri qaýymdastyǵynyń sheshimimen jáne QazUÝ Ǵylymı keńesiniń qoldaýymen júzege asyp otyr. Bıyl QazUÝ túlekteriniń kúni mamyr aıynyń sońǵy senbisi - 28 mamyrǵa sáıkes keledi.
28 mamyrda ár jylǵy QazUÝ túlekteri ýnıversıtettiń bas ǵımaratynda bas qosady. Bıyl «QazUÝ túlekteriniń kúni» 10.45-te QazUÝ qalashyǵyndaǵy Ál-Farabı eskertkishine jáne Ó.A.Joldasbekov eskertkishine gúl shoqtaryn qoıýdan bastalmaq. Odan keıin qonaqtar, oqytýshylar, stýdentter, túlekter Ó.A.Joldasbekov atyndaǵy Stýdentter saraıyndaǵy Túlekter kúniniń saltanatty ashylýyn tamashalaıdy.
Shara barysynda QazUÝ rektory Ǵalymqaıyr Mutanov arnaıy quttyqtaýyn jetkizip, úzdik túlekter marapattalady dep kútilýde.
Sonymen qatar QazUÝ túlekteri qaýymdastyǵynyń qyzmetinen tusaýkeserler kórsetiledi.
Merekelik bas qosý saǵat 12.00-de QR eńbek sińirgen ujymy Qurmanǵazy atyndaǵy halyq aspaptar akademııalyq orkestriniń kontsertine ulasady.
Bul kúni qazuýlyq túlekter, sondaı-aq ýnıversıtettiń 75 jyldyǵyna oraı ashylǵan QazUÝ-dyń murajaıymen tanysyp, óz fakýltetterimen kezdesedi.
QazUÝ túlekteriniń kúni «Túlekter balymen» qorytylanbaq.
