Almatyda Ál-Farabı atyndaǵy QazUÝ-diń stýdentteri Nobel syılyǵy ıegerleriniń dárisin tyńdady

Ýnıversıtet rektory Ǵalymqaıyr Mutanov shetel qonaqtaryna oqý orynnyń murajaıy men bilim ordasynyń tynys-tirshiligimen tanystyrdy. Oqý ornynyń basshysy kezdesý barysynda búgingi shara sheteldik bilim salasynyń ǵylymı turǵydan kózge kórinerlik tustaryn irgeli bilim ordasynyń oqytýshylaryna tanystyrý, almastyrý maqsatynda ótkizilip jatqandyǵyn atap ótti.

Rodjer Devıd Kornberg - AQSh-tyń Sent-Lýıs (Mıssýrı) qalasyndaǵy medıtsına salasynan Nobel syılyǵynyń ıegerleri Artýr Kornberg pen bıohımık Sılvıı Rýt Levtiń otbasynda 1947 jyly 20 sáýirde dúnıege kelgen. R.Kornberg - tanymal bıohımık, Stenford ýnıversıtetiniń bıologııa qurylymynyń professory, Ýmeo ýnıversıtetiniń qurmetti doktory, AQSh-tyń ulttyq ǵylymı akademııasy men amerıkalyq Ǵylym jáne Óner akademııasynyń múshesi. Bıologııa ǵylymynyń DNK-nyń qurylymyn, genetıka men molekýlalyq bıologııany zerttep, ǵalym Antonı van Levengýktyń zertteýlerine úles qosqan. 1997 jyly R.Kornberg Harvı syılyǵynyń júldegeri, 2006 jyly "Genetıkalyq torlar aqparaty men zertteý mehanızmderin kóshirý" atty jumysy hımııa salasynan Nobel syılyǵyna laıyqtaldy.

Ekinshi ǵalym Fınn Erlıng Kıdland - Norvegııada kópbalaly fermer otbasynda dúnıege kelgen. 1968 jyly norvegııalyq mekteptiń aýylsharýashylyq basqarý jáne ekonomıka bakalavrynda kózge kórinip, sol jerde doktorlyq dárejesin qorǵady. 1973 jyly Karnegı-Mellona (AQSh, Pensılvanııa shtaty) ýnıversıtetinde, 1976 jyly Karnegı ýnıversıtetinde professorlyq ataq aldy, Santa-Barbara ýnıversıteti men tanymal Tepperada bıznes mektebinde sabaq berdi. 2004 jyly F.Kıdland E.Preskotpen "ekonomıkalyq saıasat pen makroekonomıkalyq qozǵalys kelisimin úılestirý" maqsatynda ekonomıka salasynan Nobel syılyǵyna úılesimdi jumys jasady.

Álemdik deńgeıdegi úlken ǵalymdar osyndaı jetistikterin Qazaqstandaǵy bilim negizine baǵyttap, stýdentterge ǵylym salasynan qundy habar berdi.