Almatyda «Ál-Farabı-2010» olımpıadasynyń irikteýi bastaldy
ALMATY. Naýryzdyń 13-i. QazAqparat /Ádilet Musahaev/ - Búgin 3000-nan astam oqýshylar «Ál-Farabı - 2010» olımpıadasynyń irikteý týrynan ótetin bolady,
dep habarlaıdy QazAqparat QazUÝ baspasóz qyzmetine silteme jasap.
14 pán boıynsha ótetin olımpıadanyń maqsaty - daryndy jáne qabiletti balalarǵa memlekettiń jetekshi ýnıversıteti Ál-Farabı atyndaǵy Qazaq ulttyq ýnıversıtetine oqýǵa túsýge múmkindik berý. QazUÝ QR Bilim jáne ǵylym mınıstrligimen birlese otyryp respýblıkadaǵy jalǵyz mektep olımpıadasyn uıymdastyryp otyr.
Aqpannyń 16-synan naýryzdyń 13-ine deıin ýnıversıtettiń professorlar qaýymy Qazaqstannyń ortalyq oblystarynda bolyp, aımaqtyq irikteý týrlaryn ótkizip keldi. Bıylǵy olımpıadaǵa barlyq aımaqtan 11 myń oqýshy qatysty (byltyr olardyń sany 7 myń boldy). Olımpıadanyń nátıjeleri boıynsha respýblıkanyń úzdik mektepteriniń reıtıngi jasalatyn bolady.
