Almatyda «Ál-Farabı - 2010» olımpıadasy ótedi
ALMATY. Aqpannyń 15-i. QazAqparat /Erlik Erjanuly/ - Almatyda erteń, aqpannyń 16-synda «Ál Farabı - 2010» olımpıadasynyń ashylý saltanaty ótedi,
dep habarlaıdy QazAqparat QazUÝ-diń baspasóz qyzmetine silteme jasap.
Dástúrli bul sharany «Qazatomónerkásip» ulttyq atom kompanııasy» AQ-nyń qoldaýymen Bilim jáne ǵylym mınıstrligi, Qazaqtyń ál-Farabı atyndaǵy ulttyq ýnıversıtetiniń túlekter qaýymdastyǵy jáne Mansap sektorynyń turaqty seriktesteri uıymdastyryp otyr. Olımpıadanyń basty maqsaty - oqýshylardyń sabaqqa degen yntasyn kóterý arqyly shyǵarmashylyq qabiletterin damytý jáne talantty oqýshylardy irikteý. Atap aıtqanda, aqpannyń 16-y men naýryzdyń 13-i aralyǵynda ýnıversıtet professorlary Qazaqstannyń túkpir-túkpirine baryp úmitkerlerdi 14 pán boıynsha synaqtan ótkizedi. Onyń nátıjesi boıynsha úzdik mektepterdiń reıtıngi jasalady. Jalpy bul olımpıadaǵa bıyl 10 myńnan asa oqýshy qatysady dep josparlanyp otyr. Byltyr tuńǵysh ret uıymdastyrylǵan bul sharaǵa 7 myńǵa jýyq oqýshy qatysqan bolatyn.
