Almatyda aqyly turaqtyń qaı kóshelerdi qamtıtyny belgili boldy

Qaladaǵy aqyly turaqtardyń biryńǵaı aqyly júıesiniń 2018 jylǵy damýy týraly Interfaks baspasóz máslıhatynda  búgin «Almaty SpetsTehparkıngServıs» JShS dırektory Marat Pirinbekov málim etti, dep habarlaıdy QazAqparat tilshisi.

Dırektordyń aıtýynsha, qazir qalada 11 myńǵa jýyq turaq bar. Onyń 6548-i jol shetindegi turaqtar bolsa, bazarlar men bıznes ortalyqtarynda jabyq turaqta 4408 oryn bar.

«Bıyl biz Almaty qalasynyń aýmaǵynda aqyly turaq oryndarynyń sanyn arttyrýdy kózdep otyrmyz. Qazir mundaı turaqtar Dostyq kóshesinen bastap Naýryzbaı batyr kóshesine deıingi jáne Raıymbek kóshesinen Shevchenko kóshesine deıingi aýmaqta ornalasqan. Bıyl qala ákimshiligimen birlesip Dostyq dańǵylynan Seıfýllın kóshesine deıingi alańshany keńeıte túsý kózdelgen. Atap aıtqanda, Abaıdan, Qaldaıaqov kóshesinen Ál-Farabı kóshesine deıin Samal shaǵynaýdanyn qamtıtyn bolamyz. Turaqqa aqy tóleý júıesi jetildirilýde. Maqsat ony yńǵaıly ári qoljetimdi etý. Máselen alańsha úlgisindegi aqyly turaqtardyń klıentteri úshin uıaly qosymsha men plastık kartochka engizý kózdelgen. Bul karta arqyly aldyn ala tóleý múmkin bolmaq. Qazir óndirýshimen arada alańsha úlgisindegi turaqqa mobıldi qosymshany engizýge qatysty test júrgizý josparda bar. Jol boıyndaǵy turaqtarǵa arnalǵan uıaly qosymsha jaqsy nátıje kórsetti. Kólik júrgizýshilerge parkomat izdeýdiń qajettiligi joq, kólikten shyqpastan mınýt boıynsha uıaly telefon arqyly tóleýge bolady»,- dedi Marat Pirinbekov.

Kompanııa dırektory málimdegendeı, aqyly turaq jelisi óziniń tıimdiligin kórsetip otyr.

«Jyl sońyna deıin aqyly turaq sanyn 15 myńǵa deıin jetkizý josparda bar. Ásirese, ortalyqty adamdardyń júrýine yńǵaıly etýimiz kerek. Nelikten tek qana 15 myń degen saýal týyndaıdy. Budan da kóp bolýy múmkin edi. Sebebi, bıyl biz basymdyqty sapaǵa berip otyrmyz. Biz jol belgilerin, kórsetkishterdi sapaly materıaldardan jasaýǵa, vıdeobaqylaý júıesin jetildirýge jumsaıtyn bolamyz», - dedi ol.