Almatyda aqyly turaqtar boıynsha jańa aqparatttyq taqtashaılar ornatylyp jatyr
ALMATY. QazAqparat - Almatyda biryńǵaı operator – «Almaty parkıng» sharýashylyq júrgizý quqyǵyndaǵy kommýnaldyq memlekettik kásiporny quryldy. Kommýnaldyq kásiporynnyń baǵdarlamalyq jasaqtamasy tolyq iske qosylǵanǵa deıin buryn qalanyń avtoturaqtaryn basqarǵan «A – parking» kompanııasy óz qyzmetin jalǵastyryp, tólemderdi qabyldaıdy. Osy kezeńde jınalǵan barlyq qarajat biryńǵaı operatordyń shotyna beriletin bolady, dep habarlaıdy QazAqparat tilshisi.
Almaty qalasy ákimdiginiń málimetinshe, avtoturaqtardy engizý ár aýdan boıynsha kezeń kezeńmen, jeke júzege asyrylady. Alǵashqy avtoturaq Medeý aýdanynda iske qosylmaq.
«Búginde trotýar úlgisindegi aqyly avtoturaqtarda jerdi qaıta resimdeý jumystary aıaqtaldy. Medeý aýdanynda jańa operatordy kórsete otyryp, aqparattyq taqtaıshalardy aýystyrý bastaldy. Baqylaý taqtalary sonymen qatar aımaq nómirin, turaq ýaqytyn jáne tólem ádisterin kórsetedi. Jańa aqparattyq taqtaıshalary bar aýdandar foto-beınetirkeýdiń mobıldi keshenderimen baqylanatyn bolady. Jańa plıtkalar men aımaqtar belgilenbegen jerlerde tólem ýaqytsha alynbaıdy», - dep habarlady ákimdikten.
Búginde úsh tólem ádisi qoldanylady: 1. Ekinshi deńgeıli bankter arqyly taqtada kórsetilgen jalǵyz QR kody arqyly. Qazirgi ýaqytta avtoturaqtardy tóleý Kaspi qosymshasynyń kómegimen qoljetimdi. Halyk Bank qosymshasyn 2023 jyldyń tamyz aıynyń sońyna deıin qosý josparlanyp otyr.
Sondaı-aq Forte Bank, Jusan Bank, «Bank TsentrKredıt» qosymshalaryn qosý máselesi pysyqtalyp jatyr. 2. Android qoldanýshylary Play Store dúkenine ornata alatyn «Almaty avtoturaqtary» mobıldi qosymshasy arqyly. Apple paıdalanýshylaryna arnalǵan qosymsha Apple Store maquldaǵannan keıin qoljetimdi bolady. Boljamdy merzim – osy jyldyń tamyz aıynyń ekinshi jartysy. 3. Saıt arqyly almaty-parking.kz. tólem úshin kartada turaq tańdaý kerek, kólik nómirin jáne turaq ýaqytyn kórsetý, sodan keıin tólem kartasynyń málimetterin engizip, tólemdi aıaqtaý qajet.
Kartamen tólem Halyk Bank ınternet-ekvaırın arqyly júzege asyrylady. 2023 jyldyń 11 tamyzynan bastap avtokólik ıeleri SMS arqyly jáne Qiwi jáne kassa24 termınaldary arqyly turaq aqysyn tóleýge múmkindik alady. 2023 jyldyń 11 tamyzynan bastap avtokólik ıeleri turaq aqysyn SMS arqyly jáne Qiwi jáne Kassa24 termınaldary arqyly tóleı alady.
«Almaty parkıng» ShJQ KMK aýdan ákimdikterimen birlesip, eń kóp júretin kóshelerdi anyqtaý boıynsha jumys jalǵasyp jatyr. Aqyly turaqtardy ornatý úshin oryndar belgilenedi. Avtoturaqtar Almaty qalasy ákimdiginiń bekitilgen erejelerine sáıkes jumys isteıdi. Qazir qoldanystaǵy tarıfter saqtalady.
