Almatyda aqyly turaqtan qashqan júrgizýshilerge aıyppul salyndy
ALMATY. QazAqparat - Almatyda qalalyq ákimdik ǵımaraty aldyndaǵy aqyly turaqqa kólikterin qoımaı, tyıym salynǵan oryndarǵa qaldyryp ketken júrgizýshilerge aıyppul salyndy, dep habarlaıdy QazAqparat tilshisi.
Almaty qalasy ІІD baspasóz qyzmetiniń habarlaýynsha, 3 naýryz kúni polıtseıler Almaty ákimdigi aýmaǵynda arnaıy reıd sharasyn júrgizgen.
«Arnaıy batalon ınspektorlary júrgizilgen reıdtiń alǵashqy saǵatynda-aq 29 zań buzýdy anyqtady. Búgingi kúnniń qorytyndysy boıynsha, ruqsat etilmegen oryndarǵa kólikterin qaldyrǵany úshin QR ÁQB týraly kodeksiniń 597-babyna sáıkes, 59 ákimshilik hattama toltyryldy. Tórt kólik aıyp turaǵyna jetkizildi. Almatynyń kólik kóp júretin aýmaqtarynda aqyly turaq ashylǵan. Alaıda, keıbir azamattar zańnan attap, mashınalaryn ruqsat etilmegen oryndarǵa qaldyryp ketedi», - dedi Almaty qalasy ІІD Ákimshilik basqarma basshysy Nurlan Almasbekov.
Sonymen qatar, ol ákimshilik polıtsııa «Parkovka» jedel-aldyn alý sharasyn jıi ótkizip turatynyn aıtty.
Aıta keteıik, Almatyda engizilgen aqyly turaqtyń quny saǵatyna 100 teńge.
