Almatyda aqyly avturaqtardy uıymdastyrý úshin tender jarııalandy
ALMATY. 30 mamyr. QazAqparat - «Almaty qalasynyń trotýar tıptegi aqyly kommýnaldyq avtoturaqtaryn jabdyqtaý, abattandyrý jáne paıdalaný jónindegi úzdik usynysty anyqtaý» boıynsha tenderge qatysýshylardyń ótinishterin qabyldaý bastaldy.
Bul tenderdiń erejesin qalalyq ákimdik 2011 jyldyń qarasha aıynda jasap, bekitken bolatyn. Atalmysh shara barysynda turaqtardy uıymdastyrýdy biryńǵaılyqqa kóshirý, sapaly qyzmet kórsetý, jol qozǵalysy qapýipsizdigin saqtaý, Almaty qalasy aýmaǵynda aýanyń lastanýyn azaıtý syndy naqtyly mindetter júzege asatyn bolady.
Tenderlik qujat 29 lottan turady. Jeńimpaz ár lot boıynsha anyqtalady. Oǵan lotta kórsetilgen senip basqarý kelisimi boıynsha avtoturaq úshin jer bólinip, ony abattandyrý, qajetti qondyrǵylarmen jabdyqtaý quqy beriledi. Sondaı-aq onyń aqyly avturaǵyna óz kóligin qoıǵan avtokólik ıesi turaqty paıdalanǵan bir saǵat úshin 100 teńge kóleminde aqy tóleıdi. Avturaq - jol belgileri, jol qozǵalysy erejesinde kórsetilgen aqparattyq nusqaýlar, vıdeobaqylaý júıesi, aqy tóleýdiń elektrondy júıesi (parkomattar),aqparattyq stendiler (tablıtsalar), avtoturaq jónindegi tolyq málimetter, tarıf, aqy tóleý, jeńildikpen turaqty paıdalanýshylar dárejesi sııaqty qajetti zattarmen jabdyqtalýy tıis.
Avtoturaqtardy Uly Otan soǵysynyń múgedekteri, soǵys ardagerleri, olarǵa teńestiriligen tulǵalar, І jáne P top múgedekteri, ózderiniń qyzmettik mindetterin atqaryp júrgenderdiń qyzmettik memlekettik nómirlik belgileriniń ıeleri aqysyz paıdalana alady.
