Almatyda aqyly avtoturaqtardyń memlekettik biryńǵaı operatory quryldy
ALMATY. QazAqparat – «Almaty parkınginde» biryńǵaı operatory qurylyp, kásiporyn dırektory taǵaıyndaldy. Bul týraly qalalyq mobıldilik basqarmasy málim etti, dep habarlaıdy QazAqparat tilshisi.
Vedomstvo málimetinshe, kólik turaqtaryn odan ári kútip ustaý úshin arnaıy baǵdarlama ázirleý jumystary bastaldy. Oǵan deıin avtoturaqtardy basqarǵan kompanııalar óz qyzmetin jalǵastyratyn bolady. Qazir avtoturaqtar shtattyq rejımde jumys istep tur. Ádettegideı, tólemder tekserilip, aıyppuldar salynady.
«2022 jyldyń 6 jeltoqsanyndaǵy jaǵdaı boıynsha kompanııalardyń esepshotynda 596 mln teńge bar. Bul soma kún saıyn tolyqtyrylyp otyrady jáne seriktestik basshylaryna qatysty sot isi aıaqtalǵannan keıin qurylǵan memlekettik kásiporynnyń esepshotyna aýdarylady», - dep atap ótti Almaty qalalyq mobıldilik basqarmasynan.
Aıta keteıik, kóktemde Almatydaǵy aqyly avtoturaqtar qalanyń menshigine qaıtarylǵan bolatyn.
Eske salaıyq, «Alan Parking» JShS dırektory Muhtar Bazarbaev qamaýǵa alynǵan bolatyn.
Sonymen qatar, «Almaty spetstehparkıng servıs» JShS dırektory Marat Prınbekov ta qamaýda otyr.
Qazirgi ýaqytta kompanııa basshylaryna qatysty qylmystyq is qozǵaldy jáne bıýdjet qarajatyn urlaýmen baılanysty tergeý amaldary júrip jatyr.
Almatyda aqyly avtoturaq júıesi alǵash ret 2016 jyly engizildi.
