Almatyda aqyly avtoturaqtar qashan iske qosylady
Almaty ákimdigi málim etkendeı, trotýar túrindegi avtoturaqtar 15 shildeden 11 qyrkúıekke deıin tegin boldy, óıtkeni aqyly turaqtardyń jańa biryńǵaı operatory — «Almaty parkıng» baǵdarlamalyq qamtamasyz etýge qosylmaǵan edi.
Medeý aýdanynda jańa jańartylǵan aqparattyq taqtaıshalar boıynsha barlyǵy 12 turaq aımaǵy jumys isteıdi, onyń 4 828-i trotýar turaǵy, 360-y múgedekterge arnalǵan oryn. Aqyly avtoturaqtyń jumys rejımi – kún saıyn saǵat 8:00-den 19:00-ge deıin.
Kók bazar mańyndaǵy №6547 turaq aımaǵynyń tarıfi saǵatyna 150 teńge. Avtoturaq úshin tólemdi bylaı jasaýǵa bolady:
- «Almaty avtoturaqtary» mobıldi qosymshasy arqyly mınýtyna. Bul qosymshany telefonǵa Play Market jáne Apple Store dúkenderinen júkteýge bolady;
- almaty-parking.kz saıty arqyly
- Kaspi.kz mobıldi qosymshasy arqyly aqparattyq taqtadaǵy QR-kod boıynsha.
Esterińizge sala keteıik, burynǵy A-Parking operatory 2023 jyldyń 15 shildesinen bastap aqyly avtoturaqtarǵa qyzmet kórsetýdi toqtatty. Avtoturaqtarǵa qyzmet kórsetý boıynsha barlyq ókilettik Almaty ákimdigine.
Atap aıtqanda, qalalyq mobıldilik basqarmasynyń «Almaty parkıng» sharýashylyq júrgizý quqyǵyndaǵy kommýnaldyq memlekettik kásipornyna berildi.
Jerge aktiler ár aýdan boıynsha jeke daıyndalady, osyǵan baılanysty aqyly kommýnaldyq turaqtardy iske qosý kezeń-kezeńimen júrgiziledi. Jańa aqparattyq taqtalarda operator, aımaq nómiri, turaq ýaqyty jáne tólem ádisteri kórsetiledi.
Birinshi, Medeý aýdanynda bastaldy, jyl sońyna deıin qalanyń qalǵan aýdandary qosý josparlanyp otyr: Almaly – 9 qazan, Bostandyq – 23 qazan, Túrksib jáne Jetisý – 6 qarasha, Áýezov, Alataý, Naýryzbaı aýdandary – 2023 jylǵy 25 jeltoqsanǵa deıin.
Almaty ákimi Erbolat Dosaev avtoturaq aqysy kóteriletini týraly aıtqan bolatyn. Onyń baǵasy ornalasqan aýdanǵa baılanysty bolady.
Buǵan deıin aqyly turaqtar boıynsha jańa aqparattyq taqtashaılar ornatylyp jatqany týraly aıtqan bolatynbyz.