Almatyda akvaparkte 5 jastaǵy bala jaraqat aldy
ALMATY. QazAqparat - Almatyda akvaparkte 5 jastaǵy bala jaraqat aldy. Bul týraly QazAqparat tilshisine Akvaparktiń zańgeri Omarov Dıas aıtyp berdi.
«Iá, mundaı jaǵdaı boldy. Akvapark ashylǵaly beri mundaı jaıt birinshi ret bolyp tur. Qazir 5 jastaǵy Dıastyń anasymen sóılesip jatyrmyz. Onyń anasy balany qazir emhanalarǵa qaratyp jatyr», - dedi Dıas Omarov.
Onyń aıtýynsha, qazir akvapark ishinde ishki tekserý júrip jatyr.
«Mamandar qazir bala qulap qalǵan aqaýly sý sýrǵanaqty tekserip jatyr. Dál qazir eshqandaı aqparat aıta almaımyn. Biraq, bizdiń attraktsıondardyń barlyǵy Ispaııadan ákelingen sapasy óte joǵary. Arnaıy sertıfıkattary bar. Tolyq málimetti tekserý bitken soń aıta alamyn», - dedi Dıas Omarov.
Aıta ketý kerek, oqys oqıǵa 17 maýsymda bolǵan edi. Beıbitkúl Amantaeva óziniń 5 jastaǵy ulymen birge 5 metrlik syrǵanaqtan syrǵyp kele jatqanda, balanyń aıaǵy qanǵa boıalǵan. Anasynyń aıtýynsha, buǵan sýdyń taıazdyǵy men attraktsıondaǵy aqaý sebep bolǵan.
