Almatyda Akýsherlik ortalyq mańyndaǵy aǵashtar ákimdiktiń ruqsatynsyz kesilgen
ALMATY. QazAqparat- Almaty ákimdigi Akýsherlik jáne gınekologııa ǵylymı ortalyǵy janyndaǵy aǵashtardy kesýge ruqsat bergen joq. Qazir osy derek boıynsha tekserý bastaldy, dep habarlaıdy QazAqparat tilshisi.
Aıta keteıik, birqatar buqaralyq aqparat quraldarynda Akýsherlik jáne gınekologııa ǵylymı ortalyǵy janyndaǵy jasyl jelektiń kesilgeni týraly aqparat tarady.
Almaty qalalyq jasyl ekonomıka basqarmasynyń málimetinshe, vedomstvoǵa aǵash kesýge ruqsat suraǵan ótinish túsken joq.
«Jasyl alqaptardy kútý men qorǵaýdyń tıptik erejeleri jáne qalalar men eldi meken aýmaǵyn abattandyrý erejelerine sáıkes, aǵash kesýge ruqsatty jeke turǵyn úı qurylysyn, jeke qosalqy nysan salatyndardan ózgerlerdiń bári bere alady»,-dep habarlady basqarmadan.
Qalalyq josparlaý jáne ýrbanıstıka basqarmasynyń dereginshe, ýchaskeniń maqsatty baǵyty mynadaı: halyqqa qyzmet kórsetý nysandary bar kópfýnktsıonaldy turǵyn keshenin salý.
Atalǵan nysan jeke menshik quqyǵy negizinde zańdy tulǵaniki.
Memlekettik qyzmet kórsetý aıasynda menshik ıesine halyqqa qyzmet kórsetetin nysandary bar kópqabatty turǵyn úı kesheniniń jobalaý aldyndaǵy qujattar (sáýlet-josparlaý tapsyrmasy jáne kelisilgen eskız jobasy) berilgen.
Tekserý júrgizý úshin is materıaldary kelgen zalaldyń aýqymyna baılanysty kinálilerdi anyqtaý jáne qoldanystaǵy ákimshilik nemese qylmystyq zańnamaǵa sáıkes jaýapkershilikke tartý úshin Almatynyń polıtsııa departamentine jiberiledi.
