Almatyda aqsha aıyrbastaý pýnktteriniń jumys ýaqyty qysqardy
ALMATY. QazAqparat – Almatyda aqsha aıyrbastaý pýnktteri keshki saǵat 16:00-ge deıin jumys isteıdi, dep habarlaıdy QazAqparat tilshisi.
Almaty qalasy ákimdiginiń habarlaýynsha, megapolıste koronavırýstyń taralýyn boldyrmaý úshin aıyrbastaý pýnktteriniń jumys ýaqyty shekteldi.
«COVID-19 taralýyna jol bermeý maqsatynda Almaty qalasy aýmaǵynda karantın jáne tótenshe jaǵdaı kezeńinde Almaty qalasy boıynsha koronavırýstyq ınfektsııanyń taralýynyń aldyn alý jónindegi jedel shtab tótenshe jaǵdaı rejıminiń áreket etý ýaqytynda qalada ýákiletti bankterdiń (olardyń jumys kestesine sáıkes) jáne qolma-qol shetel valıýtasymen aıyrbastaý operatsııalaryn júzege asyrýǵa quqyǵy bar ýákiletti uıymdardyń aıyrbastaý pýnktteriniń jumysyn Nur-Sultan qalasynyń ýaqyty boıynsha saǵat 10:00-den 16:00-ge deıin ýaqytsha shekteýge sheshim qabyldady» delingen habrlamada.
Bul sharalar qolma-qol shetel valıýtasymen aıyrbastaý operatsııalaryn júzege asyrý kezinde Almaty qalasynyń aýmaǵynda koronavırýstyq ınfektsııanyń taralý qaýpin azaıtýǵa baǵyttalǵan.
