Almatyda aqsha aıyrbastaý pýnktteriniń klıentterine qaraqshylyq shabýyl jasap júrgen top taǵy da eki qylmysqa qatysy bar dep aıyptalýda

Esterińizge sala ketsek, aǵymdaǵy jyly qyrkúıek aıynda atalmysh qylmystyq top aqsha aıyrbastaý pýnktteriniń klıentterine qaraqshylyq shabýyl jasaǵandary úshin ustalǵan bolatyn.

Sońǵy oqıǵada olar kezekti qurbanyn, 32 jastaǵy kásipkerdi qarsylyq kórsetkendikten basynan atyp óltirgen. Bul oqıǵa tonaýshylyq dep qaralǵan bolatyn. Onyń aldyndaǵy oqıǵada jeke taksı júrgizýshisi bolyp júrgen bir adamdy toqtatyp, aldap úıine alyp kelip, uryp-soǵyp, ózderi jaldap turyp jatqan úılerine qamap qoıǵan. Onyń kóligin alyp, kezekti qurbandaryn izdeýmen aınalysyp júrgen.

"Toptyń jeti múshesi, sonymen qatar zańsyz qarý saqtaǵandary úshin jáne ustap júrgenderi úshin de aıyptalýda. Qylmyskerlerdi ustaý barysynda 16 kalıbrli eki qarý tárkilendi. Olar osy qarýlarmen qaraqshylyq shabýyl jasaǵan. Qazir krımınalıster bul qarýlardyń qashan jáne qaı jerde qoldanylǵanyn tekserýde",- deıdi Krımınaldy polıtsııa basqarmasynyń basshysy, polkovnık Amangeldi Shiderkulov.

Onyń aıtýynsha, bul topqa Almaty oblysy aýdandarynyń turǵyndary kirgen jáne olardyń barlyǵy qaraqshylyq shabýyl jasaǵandary úshin buǵan deıin isti bolǵan.