Almatyda AQSh-tyń tanymal jazýshysy Anoı Kastııo jas aqyndarmen kezdesti
/strong>Mamyrdyń 18-i. QazAqparat /Názıra Eleýhan/ - Búgin Qazaqstanǵa tuńǵysh ret kelgen AQSh-tyń tanymal jazýshysy Anoı Kastııo jas aqyn-jazýshylarmen kezdesý ótkizdi,
dep habarlaıdy QazAqparat.
Kezdesý barysynda ol óziniń ómirbaıanymen jáne shyǵarmashylyǵymen tanystyryp, óleńderi men áńgimelerinen úzindi oqydy jáne jas aqyndarǵa keńes berdi.
«Anoı Kastııo bizdiń shaqyrýymyzben jáne demeýshiligimizben Qazaqstanǵa tuńǵysh ret kelip otyr. Ol Amerıkada óte tanymal aqyndardyń biri. Meniń oıymsha, bul - qazaqstandyq árbir adamǵa jazýshy áıeldiń ózimen jáne árıne, shyǵarmashylyǵymen jaqynyraq tanysýǵa týatyn úlken múmkindik. Onyń kezdesýinen ár adam jańa bir shabyt alady degen senimdemin», dedi Almatydaǵy AQSh elshiliginiń Bas konsýly Robert Leng. Onyń aıtýynsha, amerıkandyq jazýshy erteń Jazýshylar odaǵynda kezdesý ótkizedi. «Odan keıin Ál-Farabı atyndaǵy QazUÝ-niń fılologııa fakýltetiniń ustazdarymen jáne Almaty qalasynda dáris beretin aǵylshyn tili muǵalimderimen kezdesý ótkizedi. Sonymen qatar, ol ÚEU-dyń uıymdastyrýymen ótetin dóńgelek ústel otyrysyna qatysady. Budan basqa ol Shymkent jáne Taraz qalasynda birneshe kezdesýler ótkizedi. Jalpy onyń Qazaqstanǵa sapary eki aptaǵa sozylmaq», dedi Robert Leng.
Anoı Kastııo - meksıkalyq-amerıkandyq aqyn, novellıst, kóptegen qysqa áńgimelerdiń avtory. Ol 1953 jyly dúnıege kelip, Chıkagoda ósken. Ispan tili onyń ana tili. Jazýshylyqpen ol 70-shi jyldardyń ortasynan bastap aınalysa bastaǵan. Onyń birinshi óleńderi 1975 jyly moıyndalǵan. 1980 - 1990-shy jyldar aralyǵynda onyń «Mıkskıahýalanyń hattary», «Meniń ákem - Toltek», «Sapagonııa» atty kitaptary shyqqan. Onyń kitaptary álemniń kóptegen tilderine aýdarylǵan.
