Almatyda Aqsaqaldar keńesi bolyp ótti

Otyrys aqsaqaldar keńesiniń múshesi bolǵan zańǵar ǵalym Salyq Zımanovty bir mınýt únsizdikpen eske alýdan bastaldy.

Esterińizge sala ketsek, elimizdiń eńbek sińirgen aqsaqal qaıratkerleri men ǵalymdarynan turatyn atalmysh keńes ótken jyly qurylǵan bolatyn.

Keńes músheleri otyrys barysynda bir jylǵy jasalynǵan jumystardy qorytyndylap, atqarylǵan isterge baǵa berdi, sondaı-aq aldaǵy isterdiń baǵyt-baǵdaryn aıqyndady.

Jıynda Keńestiń jyl barysynda «Oqytýshynyń korporatıvti mádenıet kodeksi», «Stýdenttiń ar-namys kodeksi», «QazUÝ oqytýshysy týraly ereje» jáne «QazUÝ-diń stýdenti týraly ereje» sııaqty mańyzdy qujattardy ázirlegendigi, Aqsaqaldar keńesi músheleriniń muryndyq bolýymen stýdentter arasynda birneshe kezdesýler men is-sharalardyń uıymdastyrylǵandyǵy atap ótildi.

Aqsaqaldar keńesiniń músheleri aldaǵy ýaqytta da jastardy oqytýmen qatar tárbıeleý salasynda óz úlesterin qosýǵa daıyn ekendikterin, stýdenttermen arnaıy kezdesýler uıymdastyryp, jataqhanalarǵa baryp pikir almasýǵa, tárbıe men bilim berýge atsalysatyndyqtaryn jetkizdi. Sonymen qatar, keńes músheleri jastardyń kitap oqýǵa qyzyǵýshylyǵyn oıatý, tárbeleý, mádenı oshaqtarǵa barý, rýhanı keshter uıymdastyrý, bolashaq kadrlardy daıarlap jatqan bilim ordasynyń jumystaryn izgilendirý, bilim ordasy oqytýshylaryna aǵylshyn tilderin úıretý baǵytynda tegin kýrstar ashý syndy usynystaryn bildirdi.

«Ulttyq bolmysymyzdy, tól tarıhymyzdy, ádebıetimizdi álemge nasıhattaý úshin otandyq myqty ǵalymdarymyzdy sheteldik ýnıversıtetterge dáris oqýǵa jiberip otyrý qajet», -dedi professor Tursynbek Kákishev.

Jıyn sońynda aǵa býynnyń aqyl keńesi qashanda asyl qazyna ekendigin alǵa tartqan QazUÝ rektory Ǵalym Mutanov barlyq usynys talaptar eskeriletinin aıtty.