Almatyda aqparattyq qaýipsizdik týraly ІІ Bankaralyq forým ótip jatyr
ALMATY. 6 jeltoqsan. QazAqparat - Almatyda «Qazaqstan Respýblıkasyndaǵy kredıttik jáne qarjylyq uıymdardaǵy aqparattyq qaýipsizdik» degen taqyrypta ІІ Bankaralyq forým ótip jatyr.
Ony Reseı bankiniń atsalysýymen QR Ulttyq banki men Qazaqstandyq bankaralyq eseptesý ortalyǵy birlesip uıymdastyryp otyr.
«Bank júıesinde aqparattyq qaýipsizdik eń mańyzdy máselelerdiń biri bolyp sanalady. Jahandaný men aqparattyq tehnologııalar dáýirinde mundaı alqaly jıynnyń róli óte zor. Óıtkeni asa qundy aqparattardy olar kóbine ekijaqty baılanys kezinde alady. Onda aqparattyq qaýipsizdikti nyǵaıtý úzdiksiz júretin úderis», - deıdi QR Ulttyq bankiniń «Qazaqstandyq bankaralyq eseptesý ortalyǵy» RMK Bas dırektory Saıt Abdýlkarımov. Onyń aıtýynsha, bul sharaǵa bankter men ózge de qarjy uıymdarynyń jáne aqparattyq tehnologııalar salasyndaǵy kompanııalardyń 150-den astam ókili qatysýda. Olar aqparattyq qaýipsizdik salasynyń ózekti máselelerin jan-jaqty talqylap, ártúrli saýaldar boıynsha ózara pikir almaspaq.
