Almatyda Akonkagýa shyńyn baǵyndyrǵan alpınıster ekspedıtsııany qorytyndylaıdy
ALMATY. QazAqparat - Erteń «Dostyq» qonaq úıinde tústen keıin qazaqstandyq alpınıster Maqsut Jumaev pen Maǵjan Saǵymbaevtyń Argentınadaǵy Akonkagýa (6962m) shyńyna bastaǵan ekspedıtsııanyń sátti aıaqtalýyna arnalǵan baspasóz máslıhaty ótedi.
29 aqpanda alpınıster Qazaqstannyń týyn Ońtústik Amerıkanyń eń bıik shyńyna ornatty. Bul órleý (jer sharynyń alty asqar shyńdary - Eýropanyń, Azııanyń, Ońtústik jáne Soltústik Amerıkanyń) «7 shyń» atty jospardyń qorytyndysy.
Alpınıster óz jeńisin 2011 jylǵy Qysqy Azııalyq oıyndarynyń chempıony Evgenıı Levkınge arnady. Ol sporttyń tramplınnen sekirý túrine qatysyp, qazirgi tańda aýyr jaraqattan keıin qalpyna kelý úshin kúresip júr. Ekspedıtsııany «Qazaq geografııalyq qoǵamy» qoǵamdyq birlestigi uıymdastyrdy. Jobaǵa Kaspi bank-i qoldaý kórsetken.
Alpınızmnen Qazaqstan Respýblıkasynyń quramasyn qoldaý barysynda «Qazaq Geografııalyq Qoǵamy» QB Akonkagýaǵa ekspedıtsııany uıymdastyrdy. Bul jobaǵa Almaty qalasynda 2017 jyly bolatyn 28-shi Dúnıe júzilik qysqy ýnıversıadanyń daıyndyǵy men ótkizý sharalaryna jaýapty dırektsııa, Qazaqstan Respýblıkasynyń Alpınızm jáne quzǵa shyǵý federatsııasy men QR QM Áskerı ortalyq sport klýby demeý kórsetti.
Eske sala ketsek, Akonkagýa shyńy - And taý sileminiń eń bıigi, teńiz deńgeıinen 6 962 metr bıiktikte ornalasqan Ońtústik Amerıkanyń eń bıik núktesi.
Jalpy amerıka qurlyǵyndaǵy eń bıik taý, Batys jarty sharynyń bıik núktesi, Ońtústik jarty sharynyń eń bıik taýy dep bıiktikter reıtınginiń arasyndaol alǵashqy oryndarda atalyp turady. Akonkagýa Tynyq muhıtyna ne bary 150 kılometr jaqyn ornalasqandyqtan, taý basynda emin-erkin soǵatyn «aqjel» daýyldary ábden «tanymal».Bul taý ońtústik endiginiń 32 gradýsynda Chılı shekarasynan 30 km qashyqtyqta, Argentına jerinde ornalasqan.
