Almatyda akkýmýlıator urlaýdy kásip etken adam ustaldy
ALMATY. QazAqparat - Almatyda kólik akkýmýlıatorlaryn tonaýmen aınalysqan er adam ustaldy, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, 40 jastaǵy er adam buǵan deıin de urlyq úshin qylmystyq jaýapqa tartylǵan eken.
«Kúdikti tún ishinde aýlada turǵan kólikterdiń kapotyn ashyp, akkýmýlıatorlaryn sheship alyp otyrǵan. Barlyq jerde jalǵyz áreket etken. Qajetti jerine taksımen jetip otyrǵan. Tek qana Almaly aýdanynyń ózinde onyń 10 urlyqqa qatysy bary anyqtaldy. Ózi Áýezov aýdanynda biraz akkýmýlıatorlardy qoldy etkenin moıyndap otyr», - dedi Almaly aýdandyq ІІB polıtsııa bóliminiń basshysy Qumarbek Kenshinbaev.
Qazirgi tańda kúdikti qamaýda. Atalǵan qylmys boıynsha aıǵaqtar jınaý jumystary men tergeý jumystary jalǵasyp jatyr.
