Almatyda «Ákeler men balalar: máseleleri men bolashaǵy» atty kitap jaryq kórdi
ALMATY. Aqpannyń 24-i. QazAqparat /Ádilet Musahaev/ - Búgin Almatyda «Er Azamat» qoǵamdyq birlestigi daıyndaǵan «Ákeler men balalar: máseleleri men bolashaǵy» atty kitaptyń tusaýkeser rásimi ótti,
dep habarlaıdy QazAqparat.
Mádenıet jáne aqparat mınıstrliginiń 2009 jylǵy áleýmettik mańyzy bar jobalarynyń ishinde «Balalar men ákeler» taqyryby ózekti bolǵan.
Joba basshysy, professor Láılá Ahmetova óz úlesterine tıgen osy lot úshin jaýapkershilik óte joǵary bolǵanyn aıtady. «2005 jyldan bastap «Er Azamat» qoǵamdyq birlestigi januıa, otbasy, balalyq kezeń taqyryby aıasynda maqsatty túrde jumys istep keledi. Búgingi myna kitapta Astana jáne Almaty qalalarynda, Shyǵys Qazaqstan, Batys Qazaqstan, Ońtústik Qazaqstan oblystarynda «Ákeler men balalar» januıadaǵy áke tárbıesiniń rólin kúsheıtý maqsatynda júrgizilgen jobanyń esebi jarııalanǵan. Sonymen qatar Ál-Farabı atyndaǵy QazUÝ ǵalymdary aımaqtyq áriptesterimen birlesip júrgizgen áleýmettik saraptamasy da kitaptyń bir taraýynda berilgen», deıdi L.Ahmetova.
Sondaı-aq ol «Ákeler men balalar» taqyryby qazirgi ýaqytta ózekti ekendigin jáne ár adam úshin ata-ana men bala qymbat bolyp qala beretindigin jetkizdi.
