Almatyda «Ákeler forýmy» ótedi
ALMATY. QazAqparat - Almatyda otbasy máselelerine arnalǵan Ákeler forýmy ótedi, dep habarlaıdy QazAqparat tilshisi.
Almatyda QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasy Almaty ákimdigimen jáne «Ákeler odaǵy» qoǵamdyq birlestigimen birlese otyryp, 20 qazanda ІІ Respýblıkalyq ákeler forýmyn ótkizbek.
Forýmda otbasy ınstıtýtyn jáne ákelerdiń otbasylyq tárbıe berýdegi rólin nyǵaıtý máselesi talqylanbaq.
«Forýmda balalardyń boıynda patrıottyq sezimdi kúsheıtip, «Rýhanı jańǵyrý» sheńberinde bilim alýǵa degen qulshynysyn arttyrý máseleleri talqylanatyn bolady», delingen habarlamada.
Forýmnyń jumysyna Parlament depýtattary, Ulttyq komıssııa músheleri, ortalyq memlekettik jáne jergilikti atqarýshy organdardyń basshylary, qoǵam qaıratkerleri, úkimettik emes uıymdardyń ókilderi, sondaı-aq úlgi bolarlyq ónegeli ákeler - barlyq óńirlerden kelgen delegattar qatysady.
