Almatyda akademık Tólegen Tájibaeevtyń 100 jyldyq mereıtoıy atalyp ótti
ALMATY. Aqpannyń 23-i. QazAqparat /Erbol Azanbek/ -Búgin Ál-Farabı atyndaǵy QazUÝ-da qazaqtyń kórnekti pedagog-psıhology, respýblıkadaǵy pedagogıka ǵylymynyń tuńǵysh doktory, professor, Qazaq KSR ǵylym akademııasynyń akademıgi Tólegen Tájibaevtyń 100 jyldyq mereıtoıy atalyp ótti,
dep habarlaıdy QazAqparat.
Sharaǵa ýnıversıtet rektory Baqytjan Jumaǵulov, ýnıversıtettiń oqytýshy-professorlar quramy men stýdentter, T. Tájibaevtyń týystary, shákirtteri qatysty.
«T. Tájibaev memlekettiń jetekshi joǵary oqý orny Ál-Farabı atyndaǵy QazUÝ-dyń damýyna úlken úles qosty. Sondaı-aq ǵylymnyń túrli salasynda mamandar daıarlaýǵa aıryqsha kóńil bólip, jas ǵalymdarǵa jan-jaqty kómek kórsetýge tyrysty. Alǵashqylardyń biri bolyp ýnıversıtet fakýltetterinde qazaq bólimderiniń ashylýyna jaǵdaı jasady. Tólegen Tájibaev - joǵary azamattyqtyń, patrıotızmniń, adamgershiliktiń, óz halqyna jáne Otanyna qyzmet etýdiń jarqyn úlgisi. Ol kóregen oılary men bar kúsh jigerin eliniń erteńine arnady» dedi óz sózinde ýnıversıtet rektory B. Jumaǵulov. Shákirtteriniń aıtýynsha, T. Tájibaev óziniń qysqa ǵumyrynda joǵary oqý ornynyń qatardaǵy dotsentinen halyq aǵartý komıssary, Qazaq KSR mádenıet jáne syrtqy ister mınıstri qyzmetine deıin kóterilgen. Búginde onyń qazaqstandyq pedagogıka men psıhologııa teorııasynyń damýyna qosqan úlesi baǵa jetpes, ǵylymı eńbekteri jas urpaqty oqytý men tárbıeleý salasyndaǵy ǵylymı zertteýlerde búginge deıin oqý quraldarynyń qosymshasy túrinde qoldanyp keledi.
Ýnıversıtet rektorynyń sózine qaraǵanda, búgingi shara Tólegen Tájibaev mereıtoıynyń basy ǵana. Aldaǵy ýaqytta bul baǵytta birqatar sharalar uıymdastyrylmaq. Sonyń biri maýsymnyń 10-y kúni akademık Tólegen Tájibaevtyń 100 jyldyq mereıtoıyna arnalǵan «Joǵary bilim berýdiń qazirgi máseleleri: jetistikteri men bolashaǵy» atty halyqaralyq ǵylymı tájirıbelik konferentsııa bolady.
