Almatyda akademık Toqmuhamed Sadyqovty eske túsirýge arnalǵan fýtbol týrnıri ótti
ALMATY. Qazannyń 18-i. QazAqparat /Erlik Erjanuly/ - Qazaqtyń Abaı atyndaǵy ultyq pedagogıkalyq ýnıversıtetiniń stýdentteri QR Ulttyq Ǵylym akademııasynyń akademıgi, tarıh ǵylymdarynyń doktory,
professor Toqmuhammed Sálmenuly Sadyqovty eske alýǵa arnalǵan týrnırdiń jeńimpazy atandy. «Spartak» stadıonynda ótken bul fýtbol dodasy segiz kúnge sozyldy. Oǵan elimizdiń ár qıyryndaǵy 35 ýnıversıtetten komandalar qatysqan bolatyn. Tartysty ótken saıysta jarys qojaıyndarynyń mereıi ústem shyǵyp, T. Sálmenuly uzaq jyl jetekshilik etken QazUPÝ stýdentteri kýbok ıegeri atandy. Olar aqtyq synda OKMÝ fýtbolshylarynan 2:1 esebimen basym tústi. Al júldeli úshinshi oryndy Qazaqtyń týrızm jáne sport akademııasynyń komandasy ıelendi.
