Almatyda akademık Muhtar Álıev dúnıeden ótti
ALMATY. QazAqparat - Almatyda belgili dáriger, hırýrg, medıtsına ǵylymdarynyń doktory, akademık Muhtar Álıev 82 jasqa qaraǵan shaǵynda dúnıeden ótti.
Bul týraly QazAqparat tilshisine A.Syzǵanov atyndaǵy Ulttyq Ǵylymı hırýrgııa ortalyǵynyń baýyr aýrýlary hırýrgııasy bóliminiń bas ǵylymı qyzmetkeri Manas Seısembaev habarlady.
«Bul oqıǵa búgin tańerteń bolǵan», - dedi M. Seısembaev.
Onyń aıtýynsha, M. Álıevpen qoshtasý 13 qańtar kúni saǵat 10:00-da Almatydaǵy Ǵylym akademııasynyń ǵımaratynda ótedi.
Muhtar Álıev 1933 jyly 2 aqpanda Qyzylorda oblysynda dúnıege kelgen. 1957 jyly Almaty memlekettik medıtsına ınstıtýtyn bitirgen. 1982-1987 jyldary Qazaq KSR densaýlyq saqtaý mınıstri, A.N.Syzǵanov atyndaǵy hırýrgııa ǵylymı ortalyǵynyń dırektory boldy.
