Almatyda Aq Azıadaǵa qatysýshy elderdiń BAQ ókilderi sporttyq nysandarmen tanysýda
ALMATY. 8 qańtar. QazAqparat /Erbol Turymbetov/ - Almatyda VII Qysqy Azııa oıyndaryna qatysýshy elderdiń BAQ ókilderi sporttyq nysandarmen tanysýda.
Búgin úshinshi kún qatarynan Almaty qonaǵy bolyp jatqan sheteldik jýrnalıster tústen keıin Halyqaralyq shańǵy tramplıninde óz kózqarastary jóninde baspasóz máslıhatyn ótkizedi.
Delegattar arasynda Halyqaralyq sport BAQ-tary qaýymdastyǵy men Japonııa, Qytaı, Koreıa, Katar jáne basqa da qurlyq elderi, sondaı-aq reseılik BAQ ókilderi bar.
Buǵan deıin belgili bolǵandaı, Almatyda Aq Azıada-2011 oıyndarynda «Shymbulaq» taý-shańǵy kýrorty, «Medeý» bıik taýly sport kesheni, shańǵy-bıatlon stadıony, «Tabaǵan» sporttyq-saýyqtyrý kesheni, Balýan Sholaq atyndaǵy sport saraıy jáne Halyqaralyq shańǵy tramplıni kesheni jumys isteıtin bolady.
