Almatyda AITV juqpasyn juqtyrǵandardy antıretroqozdyrǵyshtyq dári-dármektermen emdeý joldary talqylandy (FOTO)
Oǵan Birikken Ulttar Uıymynyń AITV/JITS boıynsha birikken baǵdarlamasy (UNAIDS), AQSh-tyń halyqaralyq damý boıynsha agenttigi (USAID), AQSh Prezıdentiniń AITV-/JITS-ke qarsy kúres boıynsha tótenshe jospary (PEPFAR) jáne AITV juqpasymen ómir súretinderdiń Qazaqstandyq odaǵynyń jetekshileri men men ókilderi qatysýda.
«Qatysýshylar halyqaralyq uıymdardyń AITV indetin aldyn alýǵa baǵyttalǵan baǵdarlamalaryn jetildirýge baǵyttalǵan strategııalyq josparlaryn talqylaýda. Jalpy, AITV-men ómir súretinderdiń emdik preparattarǵa qoljetimddiligin arttyrý búginde úlken máselege aınalyp otyr. Sońǵy eki jylda AITV juqpasyn emdeý salasynda eleýli ǵylymı jetistikterge qol jetkizildi. Sáıkesinshe, naýqastardy jańa preparattarmen emdeý olardyń ómirin saqtap qana qoımaıdy, sonymen qatar indetti taratpaýǵa da septigin tıgizedi. Sondyqtan biz barlyq elderdi, AITV indetin juqtyrǵan azamattarynyń, aýrýdyń klınıkalyq kezeńderine qaramastan, emdik preparattarǵa qoljetimdilikterin arttyrýǵa shaqyramyz. Buryn AITV indetin juqtyrǵan adamnyń ımmýndyq júıesi belgili bir deńgeıge túspeıinshe, oǵan em-dom qoldanylmaıtyn. Bul durys emes. Qazir dıagnoz qoıylǵan azamatqa em-dom qoldanylýy tıis. Bul turǵyda Qazaqstan Shyǵys Eýropa men Ortalyq Azııa aımaǵynda AITV indetin juqtyrǵan azamattarynyń barlyǵynyń tolyqqandy emdelýlerine múmkindik týǵyzǵan alǵashy memleket bolady dep oılaımyn», - dedi óz sózinde BUU-yń Shyǵys Eýropa jáne Ortalyq Azııa elderine arrnalǵan AITV/JITS boıynsha birikken baǵdarlamasynyń óńirlik dırektory Vıneı Saldana.
Aıta ketelik, búgingi dóńgelek ústelge qatysýshylar sonymen qatar, AITV indetine shaldyqqandarǵa antıretrovırýstyq terapııany qoldanýdyń mańyzdylyǵyn talqylaıdy. Mamandardyń aıtýynsha, bul preparattar AITV -ǵa tikeleı áser etedi jáne onyń fermentteriniń jumysyn toqtatyp, juqpanyń damýyna jol bermeıdi. Sondaı-aq, qozdyrǵyshtyń berilý múmkindigin 90 paıyzǵa azaıtady.
