Almatyda ahýal birqalypty, qaýip-qater joq - terrorǵa qarsy shtab

ALMATY. QazAqparat - Almatyda ahýal birqalypty, qaýip-qater seıildi. Bul týraly resmı brıfıngte Almaty qalalyq terrorızmge qarsy kúres shuǵyl shtabynyń resmı ókili Saltanat Ázirbek málim etti.

«Qazirgi ýaqytta qaladaǵy ahýal birqalypty, qaýip-qater joq. Jaǵdaıdy quqyq qorǵaý organdary tolyq baqylaýda ustaýda», - dedi ol.

Buǵan deıin ol polıtseılerge shabýyl jasaǵan kúdikti ustalǵandyǵyn habarlady. Qylmysker ustaý barysynda qarsylyq kórsetken, qazir qamaýda otyr. «Osy áreketterdi bir adam jasady. Qazir barlyq kúdiktiler tekserilýde. Odan birneshe qarý tárkilendi, onyń ishinde quqyq qorǵaý organdarynan tartyp alǵan qarýlar da bar», - dedi S.Ázirbek.

Saldarynan 5 adam qaza tapty, onyń úsheýi polıtseı jáne ekeýi jaı adamdar - «Taıota Kamrı 40» kóliginiń júrgizýshisi jáne onyń qasynda otyrǵan jolaýshy.