Almatyda Ahmet Baıtursynulynyń shyǵarmashylyq murasyna arnalǵan otyrys ótti
ALMATY. 10 qarasha. QazAqparat /Erbol Turymbetov/ - Búgin Almatydaǵy QR Ulttyq kitaphanasynda Ahmet Baıtursynulynyń shyǵarmashylyq murasyna arnalǵan «Ult ustazy murasynyń nasıhattalýy» atty dóńgelek ústel ótti.
Ony QR Mádenıet mınıstrliginiń qoldaýymen «Ahmet Baıtursynulynyń shyǵarmashylyq murasyn nasıhattaý jónindegi is-sharalardy uıymdastyrý» týraly 2010 jylǵy 19 qazandaǵy № 237 shartqa sáıkes A. Baıtursynuly atyndaǵy qoǵamdyq qor janyndaǵy murajaı úıi Ulttyq kitaphana ujymymen birlese uıymdastyryp otyr. Otyrysqa elimizdiń belgili ǵalymdary, jýrnalıster, tarıhshylar jáne basqa da zııaly qaýym ókilderi qatysty.
«Ult ustazy deýimizdiń sebebi, barsha ǵylymı jumystar, zertteýler osy kisilerdiń eńbekterinen bastaý alady. Búgingi ótkizilip otyrǵan basqosý QR Mádenıet mınıstrliginiń shartyna sáıkes, uly tulǵanyń shyǵarmashylyq eńbek jolyn nasıhattaý», dedi A. Baıtursynuly atyndaǵy qoǵamdyq qor janyndaǵy murajaı úıiniń dırektory Raıhan Imahanbetova.
Shara barysynda «Ǵasyr sańlaǵy: A. Baıtursynulynyń shyǵarmashylyq ómirbaıany» monografııasy men óleńderiniń orys tilindegi aýdarmalary toptastyrylǵan «ıArkıı nosıtel dýha chelovechnostı» kitabynyń tanystyrylymy ótti.
