Almatyda Ahmet Baıtursynuly oqýlary ótti

dep habarlaıdy QazAqparat.

Іs-shara A. Baıtursynulynyń eskertkishine gúl qoıý rásimimen bastaldy. Buǵan memlekettik mekemelerdiń resmı ókilderi, tilshi ǵalymdar, aqyn-jazýshylar men óner qaıratkerleri, qoǵamdyq uıymdardyń jetekshileri men BAQ tilshileri, ádebıetsúıer qaýym, sonymen qatar stýdent jastar men oqýshylar qatysty. OlarAhmet Baıtursynulynyń kórnekti qoǵam qaıratkeri, qazaq til biliminiń negizin salýshy ǵalym, qalamger retinde qazaqtyń ulttyq ǵylymy men mádenıetiniń, ádebıeti men tiliniń damýyna sińirgen eńbegi týraly áńgimelep, ádebı shyǵarmashylyq murasy jóninde baıandady. Sondaı-aq elimizde júrgizilip jatqan memlekettik til saıasaty týraly óz oılary men pikirlerin ortaǵa saldy. Al, stýdentter men oqýshylar A. Baıtursynulynyń túrli taqyryptaǵy shyǵarmalaryn mánerlep oqydy.

«Bul shara Ahmet Baıtursynulynyń ádebı shyǵarmashylyq murasyn keńinen nasıhattaýǵa baǵyttalyp, qazaq tiliniń qoldanylýyn damytýǵa, memlekettik til saıasatyn nasıhattaýǵa, daryndy jastarǵa qoldaý kórsetý maqsatynda ótkizilip otyr. Bizdiń eń aldymen aldyǵa qoıǵan mindetimiz - saıası qýǵyn-súrgin qurbandaryn eske alý, Alash ardaqtylarynyń rýhyna taǵzym etý, tarıhı tulǵalardyń táýelsizdik jolyndaǵy kúresi men shyǵarmashylyq murasyn nasıhattaý bolyp tabylady», dedi Almaty qalasynyń Tilderdi damytý basqarmasynyń bastyǵy Mamaı Ahetov.

Іs -sharany ótkizýge atsalysyp, belsendilik tanytqan qatysýshylardyń barlyǵyna alǵys hattar men estelik syılyqtar tabystaldy.