Almatyda aǵymdaǵy jyly 30 myń túp aǵash egiledi
ALMATY. 14 qańtar. QazAqparat -Almatyda bıylǵy jyly 30 myń túp aǵash kósheti men 200 myń sharshy metr aýmaqqa gúl egiledi.
Bul týraly QazAqparat tilshisine qalalyq tabıǵıt resýrstar jáne tabıǵatty paıdalanýdy retteý basqarmasynan habarlady.
Vedomstvodan atap ótkendeı, jasyl jelektendirý baǵdarlamasyn júzege asyrý aıasynda 2013 jyly Almatyda 36 361 túp kóshet otyrǵyzylǵan. Olardyń ishinde 11776-sy qylqan japyraqtylar. Qylqan japyraqty aǵashtardyń 8,5 myńyn «Jańa Alataý» qoǵamdyq qory «Medeý» shatqalyna otyrǵyzǵan. Qazirgi tańda qala aýmaǵynda kólemi 190 myń sharshy metr jerdi gúlzarlar alyp jatyr.
