Almatyda aǵylshyn tilinde oqytatyn mektepterdiń sany 80-ge artady

ALMATY. QazAqparat - Almatyda kelesi jyldan bastap qosymsha 80 mektepte jaratylystaný pánderi aǵylshyn tilinde oqytylatyn bolady, dep habarlaıdy QazAqparat tilshisi. 

Bul týraly qalalyq bilim basqarmasynyń basshysy Gúlnar Hodjabergenova qoǵamdyq keńestiń otyrysynda aıtty.

«Búginde úsh tildi oqýǵa kezeń-kezeńimen ótý - ózekti máseleniń biri. Fızıka, bıologııa, hımııa, ınformatıka pánderin oqytatyn 487 muǵalim kýrstan ótip jatyr. 779 muǵalim kýrsty aıaqtap, sertıfıkat aldy. 2017-18 oqý jylynda pılottyq rejimde oqytý qalanyń 27 mektebinde 8-synyptarynda júzege asyryldy. Kelesi jańa oqý jylynda taǵy 80 mektepte oqytylady», - dedi Gúlnar Hodjabergenova.

Onyń aıtýynsha, aǵylshyn tilinde bilim beretin ustazdardyń jalaqysy da birneshe ese kóteriledi.

«QR BǴM burynǵy  kórsetilgen talaptaryna sáıkes, fızıka, bıologııa, hımııa jáne ınformatıka pánderin aǵylshyn tilinde oqytatyn 33 muǵalimniń bazalyq laýazymdyq eńbekaqysyna 200 paıyz qosymsha jalaqy qosylady», - dedi G.Hodjabergenova.