Almatyda aǵaıyndy eki jigit kóshede ketip bara jatqan áıeldi tonaǵan

ALMATY. QazAqparat - Almatyda aǵaıyndylar kóshede ketip bara jatqan áıeldi tonady, dep habarlaıdy QazAqparat tilshisi.

Almatyda 23 jáne 18 jastaǵy aǵaıyndy eki jigit qaraqshylyq shabýyl jasady degen kúdikke ilindi.

«Hmelnıtskıı kóshesiniń boıynda olar áıeldi qorqytyp, altyn syrǵasyn sheship alǵan. Jábirlenýshi kúdiktilerdi esine saqtap qaldy. Sonyń arqasynda birneshe saǵattyń ishinde olar ustaldy. Jas jigitter zergerlik buıymdy satyp úlgergen», – dedi Túrksib aýdandyq polıtsııa basqarmasynyń bastyǵy Erkin Amantaev.

Bul fakt sotqa deıingi tergeýdiń biryńǵaı tizilimine QR QK-niń 191-baby 2-bóliminiń 1,3-tarmaǵy boıynsha tirkeldi.

Qazirgi ýaqytta olardyń basqa da qylmystarǵa qatysy tekserilip jatyr.