Almatyda aǵaıyndy eki bala bes kúnnen beri tabylmaı jatyr
ALMATY. QazAqparat - Almatyda 12-16 jastaǵy aǵaıyndylar bes kúnnen beri iz-túzsiz ketken, dep habarlaıdy QazAqparat tilshisi.
Sanat Sádýaqas men Ərsen Sádýaqas 27 qazanda keshki saǵat 17-ler shamasynda Shapyq Shokın kóshesindegi №50 úıden shyǵyp ketken. Sodan beri jasóspirimderdiń jaqyndary olardan habar ala almaı otyr.
«Sanat Muratulynyń boıy 165-170 sm, shashy qara, aryqsha kelgen, at jaqty bala. Úıden shyqqanda ústinde jasyl kúrteshe, aıaǵynda qara kók týflı bolǵan. Al Ərsen Muratulynyń boıy 150-160 sm shamasynda, at jaqty, beti sopaqsha kelgen. Sary tústi kúrteshe men kók trıko kıip ketken»,- delingen polıtsııa taratqan habarlamada.
Quqyq qorǵaýshylar joǵalǵan jasóspirimderdi kórgen adamdar bolsa habarlasýyn suraıdy.
Aıta ketý kerek, buǵan deıin Almatyda psıhologııalyq densaýlyq ortalyǵynan 3 jasóspirim qashyp ketkenin habarlaǵanbyz. Olardyń bireýi kóp uzamaı tabyldy. Qalǵan ekeýinen əli habar joq.
