Almatyda aǵashtardy órtegen er adam ustaldy
ALMATY. QazAqparat - Almatyda aǵashtardy órtegen er adam ustaldy. QazAqparat bul týraly Rolisia.kz-ke silteme jasap habarlaıdy.
«Beınekameralar men kýágerlik jaýap alýdyń kómegimen Bostandyq aýdanynda bolǵan órtke kináli kúdikti er adam anyqtaldy. Bul – 1968 jyly týǵan azamat. Ol ot jaqqanyn moıyndady», - delingen polıtsııa málimetinde.
Er adam mas kúıde bolǵanyn jáne konservilerdi jylytqysy kelgenin aıtqan.
«Biraq órt butalarǵa ótken, sol kezde er adam qoryqqanynan oqıǵa ornynan ketip qalǵan. Oqıǵanyń mán-jaıy anyqtalatyn bolady», - dedi polıtsııadan.
Eske salaıyq, keshe Kóktóbe baýraıynda tutanǵan órtpen kúres júrip jatqan kezde, Kóktóbe saıabaǵyna jaqyn jerde aǵash arasynda ot jaǵyp jatqan er adamnyń vıdeosy taraǵan bolatyn. Almaty qalalyq Polıtsııa departamenti Bostandyq aýdanynyń polıtsııa basqarmasy vıdeony dereý tekserýge kiristi.
«Qazir polıtsııa qyzmetkerleri tekserý júrgizip jatyr. Qalanyń beınebaqylaý júıeleriniń derekteri tekseriledi. Osy áreketti jasaǵan adam anyqtalyp, jaýapqa tartylady», - delingen bolatyn polıtsııa habarlamasynda.
Kóktóbe baýraıynda órt keshe keshkisin tutanǵan bolatyn. Bir jarym saǵattan keıin jalyn tolyǵymen aýyzdyqtaldy.
Budan bólek, keshe órt sóndirýshiler ózge eki oshaqtaǵy órtpen kúres júrgizdi. T ańǵy saǵat 11:08 shamasynda Medeý aýdanyndaǵy taý bókterinde qýraǵan shóp jana bastaǵan bolatyn.
Keıin órt Keńsaı zıraty aýmaǵynda tutandy.
