Almatyda aǵashtardy bıologııalyq óńdeýdiń tórtinshi kezeńi bastaldy

ALMATY. QazAqparat - Almatyda zııankester men zeń aýrýlarynyń qozdyrǵyshtaryna qarsy bıologııalyq óńdeýdiń tórtinshi kezeńi bastaldy, dep habarlaıdy QazAqparat tilshisi.

Almaty qalasy Ekologııa jáne qorshaǵan orta basqarmasynyń basshysy Serik Ádilbaevtyń málimetinshe, aldyńǵy úsh kezeń sáýir aıynan bastap tamyz aıyna deıin júrgizildi. Tórtinshi kezeńde 2,3 mln-nan astam aǵash bıoóńdeýden ótedi dep josparlanǵan.

Aǵashtardy óńdeý jumystary tańǵy jáne túngi ýaqyttarda júrgiziletin bolady. Bul rette klımattyq faktorlardy eskere otyryp, QR aýmaǵynda qoldanýǵa ruqsat etilgen, adamdarǵa, qustar men janýarlarǵa zııansyz, qaýiptiligi tómen synypty sertıfıkattalǵan bıologııalyq, keıbir jaǵdaılarda hımııalyq preparattar (P-4) qoldanylady. Aǵashtardy bıologııalyq óńdeýdiń tórtinshi kezeńin jaıly aýa raıy men jaýyn-shashynsyz mezgilde aıaqtaý josparlanyp otyr.